Morðgátan er hlutverkaleikur sem slegið hefur rækilega í gegn hjá okkur. Hver og einn fær sitt hlutverk og markmið kvöldsins er að leysa verkefni og reyna þannig að komast að því hver morðinginn er.
Viku fyrir morðgátukvöldið fá viðkomandi gestir formlegt boð í leikinn. Hver og einn fær hlutverkalýsingu sem útskýrir í smáatriðum til hvers er ætlast af þér í leiknum, hver persóna þín er og hvernig þú tengist fórnarlambinu og öðrum persónum í leiknum. Þátttakendur fá líka ákveðin verkefni til að leysa á morðgátukvöldinu.
Eftir það er túlkun hlutverksins algjörlega frjáls í höndum þátttakenda og það er um að gera að vera eins skapandi og mögulegt er.
Allir eru grunaðir en kannski skilur þú á undan hinum hver hinn raunverulegi morðingi er!
Kvöldið byrjar með fordrykk og gestirnir byrja að ræða við hvern annan til að reyna að afla sér upplýsinga.
Dularfullar persónur koma uppúr kafinu, til dæmis rannsóknarblaðamaðurinn, spillti lögfræðingurinn og eiturlyfjabaróninn sem gera leikinn ógleymanlegan.
Hægt og rólega fara hlutirnir að skýrast og kannski fara einhverjir að skilja hver hinn raunverulegi morðingi er. Mundu að aðeins einn gestanna er morðingi en allir eru grunaðir!
Hægt er að sníða leikinn algjörlega að þörfum fyrirtækisins, hvort sem morðgátan er haldin í sal, á vinnustaðnum eða jafnvel í heimahúsi.
Eskimos hjálpar til við að finna hentuga staðsetningu, aðstoðar fólk við að túlka hlutverkin sín og hefur yfirumsjón með leiknum meðan á honum stendur.