Undir handleiðslu sushi-meistara Eskimos lærir þú allt sem þú þarft að vita um sushigerð.
Margir halda að sushi sé bara hrár fiskur en það er síður en svo tilfellið, hráefnin eru mörg og allir ættu að geta búið til eitthvað sem þeim finnst gott!
Við byrjum á stuttri kynningu um þessa aldagömlu japönsku matarhefð og kynnum svo hráefnin til sögunnar. Sushi-meistarinn sýnir gestum hvernig sushi er púslað saman og kennir þeim að gera nokkrar mismunandi tegundir.
Kennslan er með áherslu á verklega hlutann og sett þannig upp að fólk fái sjálft að prófa til að vita nákvæmlega hver handtökin eru að námskeiðinu loknu.
Ferskt íslenskt hráefni í bland við gamlar japanskar matarhefðir
Það skapast mjög góð stemning á meðan fólk er að rúlla upp nokkrum tegundum af sushi og spjalla saman. Þegar búið er að dást að útkomunni fá gestir að gæða sér á herlegheitunum og taka síðan afganginn með sér heim.
Gestir fá svuntur, hatta og sushimottuna við sushigerðina og í lokin færð þú innkaupalista og leiðbeiningar um hvar og hvernig þú getur gert þetta allt á eigin spýtur.
Við bjóðum uppá nokkrar útgáfur af sushi skólanum sem henta fyrir allskonar tilefni.
Sushi skólinn er frábært hópefli, fátt sameinar hóp eins vel og að útbúa og borða góðan mat saman. Við bjóðum einnig uppá sérstök námskeið í sushigerð fyrir einstaklinga á völdum dagsetningum.